住得咁近天安門，如果唔嚟睇升旗，好似對唔住自己，依家每日的天安門升旗時間都可以喺網上搵到，冬天大約喺七點左右。好彩由酒店行過嚟只不過十幾分鐘路程，一起身懵盛盛咁出門口，月亮伯伯仲喺天安門頭頂呀！

一講起北京填鴨，大家就會諗起全聚德，近年全聚德俾人彈得一文不值，於是今次就去了大家都好評如潮的呢一間，就喺地鐵團結湖站附近的大董烤鴨店。呢餐係喺北京食得最滿意的一餐，全力推介！

坐地鐵10號線，在團結湖站下車，沿工人體育場北路往西走，就會到三里屯Village。

坐地鐵5號線去南鑼鼓巷，可以在張自忠路站或北新橋站下車（只係街頭同街尾的分別），往西行二十分鐘左右就到；或者懶啲唔想行咁遠，可以出地鐵後坐往西行經鑼鼓巷的公車（1蚊人仔），坐兩個站就要落車，唔好miss咗呀。

上次夜探鳥巢水立方，好多嘢都未睇真，今次一早嚟再睇真啲。北京依家無論地鐵或各大出名的景點出入都要安檢，都幾緊張，不過感覺好似安心啲。

同鳥巢水立方一樣，國家大劇院都有花名叫水煮蛋。水煮蛋就近天安門，搭地鐵1號線在天安門西站下車，有出口直通國家大劇院，落雨都唔怕。

搭地鐵1號線在古城站下車，轉318號公車，總站就係香山公園了，旺季入場費十蚊人仔。

由公車站行到公園入口的兩旁都開滿食肆及商店，未入公園已經開始食食食，最多就係賣羊肉串、炒栗子，又平又好味。

今次選擇了在故宮和天安門附近的北京香江戴斯酒店，位置就在地鐵天安門東站與王府井站之間，去王府井搵食或睇天安門升旗都好方便。

坐地鐵8號線就可以直到鳥巢水立方，呢條線在奧運期間先通車，而且得幾個站，又冇乜民居，最主要都係遊客搭，所以特別新淨。

東來順係北京有名的涮羊肉食肆，食飯時間都人頭湧湧，所以特別預早下午四點半就嚟食，未試過咁早就食晚餐，哈哈～

飛機降落時，才知北京剛下完一場大雪，由於要等佢剷雪泊位，在機上等了差不多兩粒鐘，等行李又半小時，出到機場足足比預算遲咗兩個半鐘，見仲有落毛毛雨，放棄咗原本坐機場巴轉地鐵的計劃，豪一豪坐的士去酒店。

銅鑼灣名珠城的一生和食，openrice好評同劣評都唔少，見諗唔到食乜，就等我嚟試一試佢先。由於趕唔切食佢個晚餐，於是夜少少試咗宵夜，九點半開始，可以食到十二點，特價138蚊，好似幾抵。

第一次食喜靈魚，有甜甜酸酸的味道，超好味，番啅咗幾次，推介！

北角新光戲院側的牛雜檔成日見雜誌推介，前排經過第一次試，果然旺角嗰啲貨色同佢完全冇得比，估唔到咁乾淨衛生的牛雜檔出品都咁好味，要讚！

除咗牛雜佢仲有賣其他小食，不過今次只食了牛雜，下次有機會再試其他吧。

在北角和富道開業已經有三十幾年的高麗韓國燒烤，上一次去都好似係十幾年前，近期心血來潮又走去食咗兩轉，一次係晚餐任食Buffet，另外就係今次的午餐Lunch Set，40蚊（另加一服務費）可選一款肉類、仲有一杯飲品（菊花茶或酸梅湯）、例湯、白飯、泡菜和啫喱。

原來自家製章魚燒唔難，只有呢塊鐵板，加埋章魚燒粉、雞蛋、椰菜、仲有章魚就OK。