一直係《色慾都市》的Fans，四位單身貴族的生活令人羨慕又妒忌，儘管唔係好認同佢哋開放的態度，但電視劇的主題就是Sex嘛，就用開放的思想去欣賞佢吧。電影版兩個多小時，都有啲擔心會悶，但睇吓名牌靚衫、俾Samantha笑死、同Carrie一齊喊、感受吓四位好姊妹的情誼，好快就過咗去，睇完仲回味緊佢哋喺戲入面的精句……好想睇多次。

注意：內文含有故事劇情

近期James McAvoy占士麥艾禾推出的電影一套接一套，《珍奧斯汀少女日記》、《愛誘罪》、以及《豬法奇緣》，套套都係男主角，今次《殺神特工》裡面仲要由頭帶到尾，由傻仔變到超級殺手，演得唔錯，愛情同動作片都殺晒，想唔紅都幾難！

注意：內文含有故事劇情

因為一套泰國電視劇《出走公主》（台譯：出逃的公主），男主角傑西達邦在台灣和內地都多了唔少Fans，亦令人對泰劇開始產生興趣，好不幸呢套劇被無線收費台買了，只有少眾能夠睇到，似乎回響亦不大。今次唔係講《出走公主》，係講傑西達邦2006年的電視劇《妳是我的眼睛》，全劇大部份都在法國取景，都幾落本！

記得幾年前明珠台做的真人蘇《Outback Jack 搵Jack嫂》嗎？嗰時集集都有追看，估吓亞Jack會out邊個女仔，又覺得亞Jack一直好鍾意的女仔Marissa雖然幾靚，但好鬼奸，唔想佢贏，好彩，亞Jack最後都揀咗有啲傻氣的Natalie，好戥佢哋高興！近期無意中在網上搵到之後的消息，原來佢哋已經結婚生仔了！

看著…看著……已經不知道用了多少包紙巾……
一段段捨身救人的故事、身陷險境拯救災民的無名英雄，同樣身為中國人，你們令我感到驕傲！

新華網：救災的詳細報導
http://www.xinhuanet.com/politics/kzjz/

近來忙於煲劇同打機，只係眼睛在做運動，趁住部電腦唔得閒，做吓手部運動先！呢盒喺吉之島買的立體相架DIY，六款裡面我只係比較鐘意"媽媽的縫紉房"，售價38蚊，唔好講咁多，開始砌啦！

冇錯，又係大漁，一個月內食第二次了，今次去咗海上世界分店，由於唔鍾意室內太侷促，見外面露天座位涼涼地又有微風，而且坐外面不限時間（室內限兩個半小時左右），可以直坐到十一點鐘，同大班朋友聊天一流，情調都幾好呀！

第一次由西部通道經深圳灣口岸過境，過大橋時見到一排排的蠔場（見上圖），一望無際，好大！一地兩檢真係好方便，好快就過咗境，出咗關口左手面就係巴士站，245號巴士搭一個站就到南油酒店，酒店再直行就會見到Wal-mart，今次目標係去隔離花園城中心B&Q後面的迪卡濃運動超市，樓高兩層，裡面有各樣的運動用品，例如：波鞋、背囊、風樓、登山、露營用品等等，任試任揀，真係好似超市咁，睇得好開心，當然佢哋賣的是自家品牌，用開名牌的就唔好去啦。

睇完《魔法奇緣》開始鍾意Amy Adams，佢又有一套新戲就快上，同樣係喜劇，今次的造型一樣咁靚，另外仲有奧斯卡影后Frances McDormand做"巴姐"，幫佢解決大小問題，應該唔會差。

又係類似《She is the man》的校園青春戲，冇大明星、冇動作火爆場面、冇特別搞笑情節，橋段又老套，《It's a Boy Girl Thing》冇係香港上映，原因不難理解；但輕輕鬆鬆唔使用腦，又有俊男美女睇，都唔錯呀！