(閱讀全文)

第一次親眼見到肥肥白白的大熊貓，以前喺北京動物園只係見過啡啡黃黃的，坐在樹丫上郁都唔郁，一啲都唔可愛！周圍環境亦都好簡陋，唔似電視裡面見到外國的熊貓有豪華冷氣房，高床軟枕，國寶都係出咗國先矜貴啲。

(閱讀全文)

差不多日日經過大埔墟，呢幾日先發覺原來搭車附近的藥房有隻肥貓，唔怕人仲任摸唔嬲，企喺門口又唔會亂走出街，路過的師奶仲會同佢玩，真係名乎其實的公關貓。

有日經過朗豪坊，想起友人推介foodcourt嗰間Pepper Lunch啲黑椒牛肉飯，於是買個嚟試試，上枱時牛肉仍然係生的（上圖），靠你回座位時，用鐵板的餘熱將佢抄熟，可能我顧住影相的關係，牛肉炒到乾咗少少，黑椒的味道好香，醬汁配合啲飯好好味，不錯不錯。

因為大佬年輕時鍾意玩Hi-Fi，細細個被逼聽住英文同日文歌長大，印象中ABBA的播放比率都幾高，由唔知佢哋唱乜，到依家知道歌中的意思，開始明白ABBA當年點解會咁紅。Mamma Mia全套電影就係由ABBA啲歌串成，當年做舞台劇已經好紅，可惜無機會欣賞，電影當然不容錯過。

(閱讀全文)

六十年代暢銷漫畫《13點》，女主角百變的時裝造型，深受當時女性讀者喜愛。近年開始又再度出版，斷斷續續大約四十年，《13點》仍然有捧場客。

(閱讀全文)

八月頭灣仔會展搞咗個軍備展，咁啱大嫂有飛，所以帶埋爹娘一齊去睇吓我哋偉大的祖國有幾巴閉。咁啱撞正動漫展，好彩午飯時間唔係好多人入場，都算順暢！

會場門口已經好有祖國的民族feel，你睇佢哋幾咁威風！

(閱讀全文)

一直係《色慾都市》的Fans，四位單身貴族的生活令人羨慕又妒忌，儘管唔係好認同佢哋開放的態度，但電視劇的主題就是Sex嘛，就用開放的思想去欣賞佢吧。電影版兩個多小時，都有啲擔心會悶，但睇吓名牌靚衫、俾Samantha笑死、同Carrie一齊喊、感受吓四位好姊妹的情誼，好快就過咗去，睇完仲回味緊佢哋喺戲入面的精句……好想睇多次。

注意：內文含有故事劇情

(閱讀全文)

近期James McAvoy占士麥艾禾推出的電影一套接一套，《珍奧斯汀少女日記》、《愛誘罪》、以及《豬法奇緣》，套套都係男主角，今次《殺神特工》裡面仲要由頭帶到尾，由傻仔變到超級殺手，演得唔錯，愛情同動作片都殺晒，想唔紅都幾難！

注意：內文含有故事劇情

(閱讀全文)

因為一套泰國電視劇《出走公主》（台譯：出逃的公主），男主角傑西達邦在台灣和內地都多了唔少Fans，亦令人對泰劇開始產生興趣，好不幸呢套劇被無線收費台買了，只有少眾能夠睇到，似乎回響亦不大。今次唔係講《出走公主》，係講傑西達邦2006年的電視劇《妳是我的眼睛》，全劇大部份都在法國取景，都幾落本！

(閱讀全文)

記得幾年前明珠台做的真人蘇《Outback Jack 搵Jack嫂》嗎？嗰時集集都有追看，估吓亞Jack會out邊個女仔，又覺得亞Jack一直好鍾意的女仔Marissa雖然幾靚，但好鬼奸，唔想佢贏，好彩，亞Jack最後都揀咗有啲傻氣的Natalie，好戥佢哋高興！近期無意中在網上搵到之後的消息，原來佢哋已經結婚生仔了！

(閱讀全文)

新華網：救災的詳細報導
http://www.xinhuanet.com/politics/kzjz/

(閱讀全文)

冇錯，又係大漁，一個月內食第二次了，今次去咗海上世界分店，由於唔鍾意室內太侷促，見外面露天座位涼涼地又有微風，而且坐外面不限時間（室內限兩個半小時左右），可以直坐到十一點鐘，同大班朋友聊天一流，情調都幾好呀！

(閱讀全文)

第一次由西部通道經深圳灣口岸過境，過大橋時見到一排排的蠔場（見上圖），一望無際，好大！一地兩檢真係好方便，好快就過咗境，出咗關口左手面就係巴士站，245號巴士搭一個站就到南油酒店，酒店再直行就會見到Wal-mart，今次目標係去隔離花園城中心B&Q後面的迪卡濃運動超市，樓高兩層，裡面有各樣的運動用品，例如：波鞋、背囊、風樓、登山、露營用品等等，任試任揀，真係好似超市咁，睇得好開心，當然佢哋賣的是自家品牌，用開名牌的就唔好去啦。

(閱讀全文)